കിണർ വൃത്തിയാക്കുന്നതിനിടെ തൊടിയിടിഞ്ഞ് തൊഴിലാളിയെ കാണാതായി; തിരച്ചിൽ തുടരുന്നു

കൊല്ലം: കിണര്‍ വൃത്തിയാക്കി തിരിച്ചുകയറുമ്പോള്‍ തൊടികളിടിഞ്ഞു വീണ് തൊഴിലാളിയെ കാണാതായി. എഴുകോൺ ഇരുമ്പനങ്ങാട് കൊച്ചുതുണ്ടില്‍ വീട്ടില്‍ ഗിരീഷ് കുമാറിനെ (47) ആണ് കാണാതായത്. പെരിനാട് വെള്ളിമൺ ഹൈസ്കൂളിനു സമീപം സ്വകാര്യവ്യക്തിയുടെ കിണര്‍ വൃത്തിയാക്കുന്നതിനിടെ ബുധനാഴ്ച വൈകിട്ട് അഞ്ചരയോടെയായിരുന്നു അപകടം.

തുടർന്ന് രാത്രി എട്ടോടെ മണ്ണുമാന്തി യന്ത്രങ്ങൾ വരുത്തി കിണറിന്റെ മുകള്‍ഭാഗമിടിച്ച് വശങ്ങളിലെ മണ്ണുനീക്കാനാരംഭിച്ചു. രണ്ടു ജെസിബികളും രണ്ടു ചെറിയ ഹിറ്റാച്ചികളും രക്ഷാപ്രവർത്തനത്തിനുണ്ട്.