പാലക്കാട്: മുടപ്പല്ലൂരില് ബസും ട്രാവലറും കൂട്ടിയിടിച്ചുണ്ടായ അപകടത്തില് രണ്ട് പേര് മരിച്ചു.നിരവധിപ്പേര്ക്ക് പരിക്കേറ്റു. ആലപ്പുഴ അര്ത്തുങ്കല് സ്വദേശികളായ റോസ്ലി, പൈലി എന്നിവരാണ് മരിച്ചത്.
തിരുവല്ലയില് നിന്ന് പഴനിയിലേക്ക് പോകുന്ന ബസും തൃശൂര് ഭാഗത്തേക്ക് പോകാനായി നിര്ത്തിയിട്ടിരുന്ന ട്രാവലറുമാണ് ഉച്ചയോടെ അപകടത്തില്പ്പെട്ടത്. പരിക്കേറ്റവരില് രണ്ടുപേരുടെ നില ഗുരുതരമാണ്. നാട്ടുകാരും ഫയര്ഫോഴ്സും സ്ഥലത്തെത്തി വാഹനം വെട്ടിപ്പൊളിച്ചാണ് യാത്രക്കാരെ പുറത്തെടുത്തത്.