കൊച്ചി: മുഖ്യമന്ത്രി പങ്കെടുത്ത പരിപാടിയില് കറുത്ത മാസ്ക് ധരിച്ചവരെ വിലക്കിയതിന് പിന്നാലെ കലൂരില് വഴിയരികിലൂടെ കറുത്ത വസ്ത്രം ധരിച്ച് പോയ ട്രാന്സ്ജെന്ഡേഴ്സിനെ കസ്റ്റഡിയിലെടുത്ത് പൊലിസ്. കലൂര് മെട്രോ സ്റ്റേഷനിലേക്ക് പോകുകയായിരുന്ന രണ്ട് ട്രാന്സ്ജെന്ഡേഴ്സിനെയാണ് കസ്റ്റഡിയിലെടുത്തത്.
പ്രതിപക്ഷ പ്രതിഷേധ സാധ്യതയെ തുടര്ന്ന് മുഖ്യമന്ത്രിയ്ക്ക് അസാധാരണ സുരക്ഷാ വിന്യാസമാണ് കോട്ടയത്തിന് പിന്നാലെ കൊച്ചിയിലും പൊലീസ് ഒരുക്കിയിരിക്കുന്നത്.
കൊച്ചിയില് കറുത്ത മാസ്ക് ധരിച്ചെത്തിയ മാധ്യമപ്രവര്ത്തകരോട് മാസ്ക് നീക്കാന് പൊലിസ് ആവശ്യപ്പെട്ടു. മുഖ്യമന്ത്രി പോകുന്ന വഴിയില് ഗതാഗതം പൂര്ണമായും നിരോധിത്തു. പ്രതിഷേധങ്ങള്ക്ക് തടയിടാന് ഇടവഴികളില് പോലും ഗതാഗതം വിലക്കിയിട്ടുണ്ട്.
മുഖ്യമന്ത്രി കോട്ടയത്തു നിന്നെത്തി വിശ്രമിക്കുന്ന െഗസ്റ്റ് ഹൗസ് പരിസരങ്ങളിലും കനത്ത സുരക്ഷയാണ്. എറണാകുളം ഡി.സി.പിയുടെ നേതൃത്വത്തിലാണ് സുരക്ഷയ്ക്കായി പൊലിസിനെ വിന്യസിച്ചിരിക്കുന്നത്.