spot_img
- Advertisement -spot_imgspot_img
Friday, September 30, 2022
ADVERT
HomeNEWSസ്ത്രീകളെ വിളിച്ച് ശല്യം ചെയ്യൽ: എംബസി ജീവനക്കാരൻ തിരുവനന്തപുരത്ത് വിമാനമിറങ്ങിയപ്പോൾ പിടിയിൽ

സ്ത്രീകളെ വിളിച്ച് ശല്യം ചെയ്യൽ: എംബസി ജീവനക്കാരൻ തിരുവനന്തപുരത്ത് വിമാനമിറങ്ങിയപ്പോൾ പിടിയിൽ

- Advertisement -

തിരുവനന്തപുരം: സ്ത്രീകളെ ഫോണിൽ വിളിച്ച് ശല്യം ചെയ്തുവെന്ന പരാതിയിൽ സൗദിയിലെ ഇന്ത്യൻ എംബസി ജീവനക്കാരൻ അറസ്റ്റിൽ. ബാലാരമപുരം തേമ്പാമൂട്  സ്വദേശി പ്രവണവ് കൃഷ്ണയാണ് അറസ്റ്റിലായത്. സൗദിയിൽ നിന്ന് തിരുവനന്തപുരം വിമാനത്താവളത്തിൽ എത്തിയപ്പോഴാണ് ഇയാളെ പോലീസ് അറസ്റ്റ് ചെയ്തത്.

- Advertisement -

പ്രണവ് കൃഷ്ണയ്ക്കെതിരെ തിരുവനന്തപുരം റൂറൽ സൈബർ പോലീസ് സ്റ്റേഷനിൽ കേസുണ്ടായിരുന്നു. സ്ത്രീകളെ നിരന്തരം ഫോണിൽ വിളിച്ച് ശല്യം ചെയ്തുവെന്ന പരാതിയിലാണ് കേസെടുത്തിരുന്നത്. ഒരു വർഷത്തോളമായി അന്വേഷണം നടത്തിവരികയായിരുന്നു.
ഇയാൾക്കെതിരേ പോലീസ്
ലുക്കൗട്ട് നോട്ടീസും പുറപ്പെടുവിച്ചിരുന്നു.

- Advertisement -

സൗദിയിലെ ഇന്ത്യൻ എംബസിയിൽ ജോലി ചെയ്യുകയായിരുന്ന പ്രണവ് കൃഷ്ണ അവധിക്ക് ഇന്ന് നാട്ടിലെത്തിയതായിരുന്നു. തിരുവനന്തപുരത്ത് വിമാനമിറങ്ങിയ പ്രണവ് കൃഷ്ണയെ ലുക്കൗട്ട് നോട്ടീസിന്റെ  അടിസ്ഥാനത്തിൽ വിമാനത്താവള അധികൃതർ തടഞ്ഞുവെച്ചു. തുടർന്ന് പോലീസിനെവിവരമറിയിക്കുകയായിരുന്നു. കസ്റ്റഡിയിലെടുത്ത ഇയാളുടെ അറസ്റ്റ് പോലീസ് പിന്നീട് രേഖപ്പെടുത്തി.

- Advertisement -

ഇന്റർനെറ്റ്, വിദേശ നമ്പറുകളിലൂടെയാണ് പ്രണവ് കൃഷ്ണ സ്ത്രീകളെ വിളിച്ച് ശല്യം ചെയ്തിരുന്നത്. നെയ്യാറ്റിൻകര സ്വദേശിയായ സ്ത്രീയെ ഒന്നര വർഷത്തോളമായി ഇത്തരത്തിൽ ശല്യം ചെയ്യുന്നുണ്ട്. അവർ നൽകിയ പരാതിയുടെ അടിസ്ഥാനത്തിലാണ് ഇപ്പോൾ അറസ്റ്റ് ചെയ്തിരിക്കുന്നത്.

- Advertisement -
- Advertisement -
Follow US On
416,985FansLike
61,453SubscribersSubscribe
Must Read
- Advertisement -
Related News
- Advertisement -
error: