വളഞ്ഞിട്ട് പിടികൂടാൻ ശ്രമിക്കുന്നതിനിടെ വനം വകുപ്പ് ഉദ്യോഗസ്ഥരെയും പൊലീസുകാരെയും മാറി മാറി ആക്രമിച്ച് പുള്ളിപ്പുലി. ഹരിയാനയിലെ ബെഹ്റാംപൂരിലാണ് സംഭവം നടന്നത്. പിടികൂടാൻ ശ്രമിച്ച ഉദ്യോഗസ്ഥരെ പുലി ചാടിവീണ് ആക്രമിക്കുന്ന വിഡിയോയാണ് ഇപ്പോൾ സമൂഹമാധ്യമങ്ങളിൽ ശ്രദ്ധനേടുന്നത്. ആക്രമിച്ചെങ്കിലും ഒടുവിൽ ഉദ്യോഗസ്ഥർ പുലിയെ പിടികൂടി കൂട്ടിലാക്കി.
ഗ്രാമത്തിൽ പുലി ഇറങ്ങിയതറിഞ്ഞാണ് വനം വകുപ്പ് ഉദ്യോഗസ്ഥരും പൊലീസും സംഭവസ്ഥലത്തേക്കെത്തിയത്. ആൾക്കൂട്ടത്തെ കണ്ട പുലി ഇവർക്ക് നേരെ ചാടി വീഴുകയായിരുന്നു. പുള്ളിപ്പുലിയുടെ ആക്രമണത്തില് ഒരു പൊലീസുകാരനും രണ്ട് വനംവകുപ്പു ജീവനക്കാര്ക്കും പരുക്കേറ്റു. പരുക്കേറ്റിട്ടും പിൻമാറാതെ ഉദ്യോഗസ്ഥർ പുലിയെ കൂട്ടിലാക്കുകയായിരുന്നു. ഉദ്യോഗസ്ഥരുടെ ധൈര്യത്തെ അഭിനന്ദിച്ചുകൊണ്ട് ഐപിസ് ഓഫിസറായ ശശാങ്ക് കുമാർ സാവൻ ആണ് ട്വിറ്ററിലൂടെ ഈ വിഡിയോ പങ്കുവച്ചത്. ലക്ഷക്കണക്കിനാളുകൾ ഇപ്പോൾത്തന്നെ ഈ ദൃശ്യം കണ്ടുകഴിഞ്ഞു.
Tough day at work for people from police and forest dept.. A couple of them suffered injuries..Salute to their bravery and courage..In the end, everyone is safe..Including the leopard.. pic.twitter.com/wbP9UqBOsF
— Shashank Kumar Sawan (@shashanksawan) May 8, 2022