തേൻ ശേഖരിക്കാൻ പോയ പതിനഞ്ച് വയസ്സുകാരനെ കാട്ടാന ചവിട്ടിക്കൊന്നു

പാലക്കാട്: അട്ടപ്പാടിയിൽ പിതാവിനും ബന്ധുക്കൾ‌ക്കും ഒപ്പം വനത്തിൽ തേൻ ശേഖരിക്കാൻ പോയ ആദിവാസി ബാലൻ കാട്ടാനയുടെ ആക്രമണത്തിൽ കൊല്ലപ്പെട്ടു. കിണറ്റുക്കര ഊരിലെ പൊന്നന്റെയും സുമതിയുടെയും മകൻ സഞ്ജു (15) ആണു മരിച്ചത്.

കാട്ടിൽ നിന്നും തേൻ ശേഖരിച്ചു മടങ്ങുന്നതിനിടെ കടുകുമണ്ണക്കടുത്ത് ബുധനാഴ്ച വൈകുന്നേരം കാട്ടാനയുടെ മുന്നിൽ അകപ്പെടുകയായിരുന്നു. അഗളി ജിവിഎച്ച്എസ് സ്കൂളിലെ എട്ടാം ക്ലാസ് വിദ്യാർഥിയാണ്. മൃതദേഹം അഗളി ആശുപത്രിയിൽ.