ആലുവയിൽ എടിഎം കുത്തിത്തുറക്കാൻ ശ്രമം, രാത്രി തന്നെ പ്രതിയെ പൊക്കി പൊലീസ്

കൊച്ചി: ആലുവയിൽ എ ടി എം കുത്തി തുറന്ന് പണം മോഷ്ടിക്കാൻ ശ്രമിച്ചയാൾ പിടിയിൽ. മാള അന്നമനട സ്വദേശി ഷിനാസാണ് അറസ്റ്റിലായത്. പുലർച്ചെയായിരുന്നു മോഷണ ശ്രമം. പണം കവരാൻ ശ്രമിക്കുന്നതിനിടെ ബാങ്ക് ആസ്ഥാനത്ത് അലാം മുഴങ്ങി. ഇതോടെ പ്രതി ഇറങ്ങിയോടി.

ബാങ്കധികൃതർ ഉടൻ പൊലീസിനെ ബന്ധപ്പെട്ട് സി സി ടി വി ദൃശ്യം കൈമാറി. പൊലീസ് നൈറ്റ് പട്രോളിംഗ് സംഘത്തെ വിവരം അറിയിച്ചതിവ് പിന്നാലെ പ്രതിയെ രാത്രി തന്നെ നഗരത്തിൽ നിന്ന് പിടികൂടുകയായിരുന്നു. അറസ്റ്റിലായ ഷിനാസ് നിരവധി മോഷണ കേസുകളിൽ പ്രതിയാണ്.