spot_img
- Advertisement -spot_imgspot_img
Friday, March 29, 2024
ADVERT
HomeINTERNATIONALശബ്ദം ഇഷ്ടമല്ല, മുറിയിലെ രോഗിയുടെ വെന്റിലേറ്റർ ഓഫ് ചെയ്ത് 72 -കാരി, അറസ്റ്റിൽ

ശബ്ദം ഇഷ്ടമല്ല, മുറിയിലെ രോഗിയുടെ വെന്റിലേറ്റർ ഓഫ് ചെയ്ത് 72 -കാരി, അറസ്റ്റിൽ

- Advertisement -

ആശുപത്രിയിൽ ഒരേ മുറിയിൽ കഴിഞ്ഞിരുന്ന രോഗിയുടെ വെന്റിലേറ്റർ രണ്ടുതവണ ഓഫ് ചെയ്തതിനെ തുടർന്ന് ജർമ്മനിയിൽ ഒരു സ്ത്രീ പൊലീസ് പിടിയിലായി. 72 -കാരിയായ ഇവർ തനിക്ക് വെന്റിലേറ്ററിന്റെ ശബ്ദം കേൾക്കുന്നത് ഇഷ്ടമില്ലെന്നും അത് അസ്വസ്ഥത ഉണ്ടാക്കുന്നുവെന്നും പറഞ്ഞായിരുന്നു മുറിയിലുണ്ടായിരുന്ന മറ്റൊരു രോഗിയുടെ വെന്റിലേറ്റർ ഓഫ് ചെയ്തത്.

- Advertisement -

ജർമ്മനിയിലെ തെക്കുപടിഞ്ഞാറൻ നഗരമായ മാൻഹൈമിലെ ഒരു ആശുപത്രിയിൽ ആണ് ഈ സംഭവം നടന്നത്. ചൊവ്വാഴ്ച വൈകുന്നേരം ആണ് ഈ സ്ത്രീ തന്നോടൊപ്പം മുറിയിൽ കഴിഞ്ഞിരുന്ന രോഗിയോട് ഇത്തരത്തിൽ പെരുമാറിയത്. വെന്റിലേറ്ററിന്റെ സഹായത്തോടെയായിരുന്നു ആ രോഗിയുടെ ജീവൻ നിലനിർത്തിയിരുന്നത്. സംഭവത്തിൽ നരഹത്യാശ്രമം ആരോപിച്ച് സ്ത്രീയെ പൊലീസ് അറസ്റ്റ് ചെയ്യുകയും ജയിലിൽ അടക്കുകയും ചെയ്തു.

- Advertisement -

79 -കാരിയായ ഒരു രോഗിയായിരുന്നു അതീവ ഗുരുതരാവസ്ഥയിൽ വെന്റിലേറ്ററിൽ കഴിഞ്ഞിരുന്നത്. ഇവർക്ക് വെൻറിലേറ്ററിന്റെ സഹായത്തോടെ മാത്രമേ ജീവൻ നിലനിർത്താൻ സാധിക്കൂ എന്ന് ആശുപത്രി അധികൃതർ മുന്നറിയിപ്പ് നൽകിയിട്ടും അത് അവഗണിച്ചു കൊണ്ടായിരുന്നു ഈ സ്ത്രീ ഇങ്ങനെ പെരുമാറിയത്. ആദ്യതവണ വെന്റിലേറ്റർ ഓഫ് ചെയ്തപ്പോൾ തന്നെ ആശുപത്രി ജീവനക്കാർ സ്ത്രീയെ ശാസിക്കുകയും വെന്റിലേറ്ററിൽ കഴിയുന്ന രോഗിയുടെ ആരോഗ്യ അവസ്ഥയെക്കുറിച്ച് പറഞ്ഞു ബോധ്യപ്പെടുത്തുകയും ചെയ്തിരുന്നു. എന്നാൽ, ആശുപത്രി ജീവനക്കാരുടെ കണ്ണുവെട്ടിച്ച്  ഈ സ്ത്രീ രണ്ടാമതും വെന്റിലേറ്റർ ഓഫ് ചെയ്യുകയായിരുന്നു. ഇതോടെയാണ് ആശുപത്രി അധികൃതർ പൊലീസിനെ വിവരം അറിയിക്കുകയും പൊലീസ് എത്തി ഇവരെ കസ്റ്റഡിയിലെടുക്കുകയും ചെയ്തത്. ബുധനാഴ്ച കോടതിയിൽ ഹാജരാക്കിയ ഇവരെ പിന്നീട് ജയിലിലേക്ക് മാറ്റുകയായിരുന്നു.

- Advertisement -

വെന്റിലേറ്ററിൽ കഴിഞ്ഞിരുന്ന രോഗിയുടെ അവസ്ഥ ഇപ്പോഴും ഗുരുതരമായി തന്നെ തുടരുകയാണെന്ന് ആശുപത്രി വൃത്തങ്ങൾ പറഞ്ഞു. തീവ്രചരണത്തിലൂടെ മാത്രമേ ഇവരെ ജീവിതത്തിലേക്ക് തിരികെ കൊണ്ടുവരാൻ ആകൂ എന്നും ആശുപത്രി മെഡിക്കൽ റിപ്പോർട്ടിൽ പറയുന്നു.

- Advertisement -
- Advertisement -
- Advertisement -
Follow US On
416,985FansLike
61,453SubscribersSubscribe
Must Read
- Advertisement -
Related News
- Advertisement -