spot_img
- Advertisement -spot_imgspot_img
Thursday, March 28, 2024
ADVERT
HomeINTERNATIONALകുവൈത്തില്‍ 50 വയസ് കഴിഞ്ഞവര്‍ക്ക് കൊവിഡ് വാക്സിന്റെ നാലാം ഡോസ് ഈയാഴ്ച മുതല്‍

കുവൈത്തില്‍ 50 വയസ് കഴിഞ്ഞവര്‍ക്ക് കൊവിഡ് വാക്സിന്റെ നാലാം ഡോസ് ഈയാഴ്ച മുതല്‍

- Advertisement -

കുവൈത്ത് സിറ്റി: കുവൈത്തില്‍ കൊവിഡിനെതിരായ പ്രതിരോധ വാക്സിന്റെ നാലാം ഡോസ് വിതരണം ഈയാഴ്ച മുതല്‍ തുടങ്ങും. 50 വയസിന് മുകളില്‍ പ്രായമുള്ളവര്‍ക്കാണ് നാലാമത്തെ ബൂസ്റ്റര്‍ ഡോസ് നല്‍കുന്നത്. ഇതിനായി എല്ലാ ഹെല്‍ത്ത് റീജ്യനുകളിലുമുള്ള 16 ഹെല്‍ത്ത് സെന്ററുകള്‍ക്ക് ആരോഗ്യ മന്ത്രാലയം അംഗീകാരം നല്‍കി.

- Advertisement -

അംഗീകൃത വാക്സിനേഷന്‍ കേന്ദ്രങ്ങളില്‍ ഓഗസ്റ്റ് 10 ബുധനാഴ്ച മുതല്‍ വാക്സിനേഷന്‍ ആരംഭിക്കും. പിന്നീട് ആഴ്ചയില്‍ ഞായറാഴ്ച മുതല്‍ വ്യാഴാഴ്ച വരെയുള്ള ദിവസങ്ങളില്‍ വൈകുന്നേരം മൂന്ന് മണി മുതല്‍ എട്ട് മണി വരെ വാക്സിനേഷന്‍ നടക്കുമെന്ന് പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്യുന്നു.

- Advertisement -

വെസ്റ്റ് മിശിരിഫിലെ അബ്‍ദുല്‍ റഹ്മാന്‍ അല്‍ സായ്ദ് ഹെല്‍ത്ത് സെന്ററില്‍ ഫൈസര്‍ വാക്സിനായിരിക്കും നല്‍കുക. അഞ്ച് മുതല്‍ 12 വയസ് വരെ പ്രായമുള്ളവര്‍ക്ക് ഒന്നും രണ്ടും ഡോസുകളും 12 മുതല്‍ 18 വയസ് വരെ പ്രായമുള്ളവര്‍ക്ക് മൂന്നാം ബൂസ്റ്റര്‍ ഡോസും 50 വയസിന് മുകളില്‍ പ്രായമുള്ളവര്‍ക്ക് നാലാം ബൂസ്റ്റര്‍ ഡോസും ഇവിടെ ലഭ്യമാവും. ഇത് ഒഴികെയുള്ള മറ്റ് 15 സെന്ററുകളിലും മൊഡേണ വാക്സിനായിരിക്കും ലഭിക്കുക. വിദേശത്തു നിന്ന് മടങ്ങി കുടുംബങ്ങല്‍ തിരികെ വരുന്നതും സെപ്‍റ്റംബര്‍ പകുതിയോടെ അടുത്ത സ്കൂള്‍ സീസണ് തുടക്കമാവുന്നതും ഉള്‍പ്പെടെ പരിഗണിച്ചാണ് വാക്സിനേഷന്‍ സെന്ററുകള്‍ നിജപ്പെടുത്തിയിരിക്കുന്നതെന്ന് ആരോഗ്യ മന്ത്രാലയം വൃത്തങ്ങള്‍ സൂചിപ്പിച്ചു.

- Advertisement -
- Advertisement -
- Advertisement -
Follow US On
416,985FansLike
61,453SubscribersSubscribe
Must Read
- Advertisement -
Related News
- Advertisement -