- Advertisement -
താനെ: പ്രഭാതഭക്ഷണം നൽകിയില്ലെന്ന് ആരോപിച്ചു യുവതിക്കുനേരെ വെടിയുതിർത്ത് ഭർതൃപിതാവ്. മഹാരാഷ്ട്രയിലെ താനെയിലാണ് സംഭവം. വയറ്റിൽ വെടിയേറ്റ 42 വയസ്സുകാരിയായ സ്ത്രീയെ ആശുപത്രിയിൽ പ്രവേശിപ്പിച്ചു. ഇവരുടെ ഭർതൃപിതാവ് കാശിനാഥ് പാണ്ഡുരംഗ് പാട്ടീലിനെതിരെ (76) കൊലപാതകശ്രമം ഉൾപ്പെടെയുള്ള വകുപ്പുകൾ ചുമത്തി പൊലീസ് കേസെടുത്തു.
- Advertisement -
വ്യാഴാഴ്ച രാവിലെയാണ് സംഭവം. രാവിലെ ചായയ്ക്കൊപ്പം പ്രഭാതഭക്ഷണം നൽകാതിരുന്നതിൽ പ്രകോപിതനായാണ് കാശിനാഥ് മകന്റെ ഭാര്യയ്ക്കു നേരെ റിവോൾവറിൽനിന്നു വെടിയുതിർത്തതെന്നു പൊലീസ് പറഞ്ഞു. വീട്ടിലുണ്ടായിരുന്ന ഉടൻ ആശുപത്രിയിൽ പ്രവേശിപ്പിച്ചു. കാശിനാഥിന്റെ മറ്റൊരു മകന്റെ ഭാര്യയുടെ പരാതിയുടെ അടിസ്ഥാനത്തിലാണ് പൊലീസ് കേസെടുത്തത്.
