ഓടിക്കൊണ്ടിരുന്ന കാറിന് മുകളിലേക്ക് കാട്ടുപോത്ത് എടുത്തുചാടി

കുമളി: കുമളിയിൽ ഓടിക്കൊണ്ടിരുന്ന കാറിന് മുകളിലേക്ക് കാട്ടുപോത്ത് ചാടി. വാഹനത്തിന്റെ മുൻഭാഗം പൂർണമായും തകർന്നു. യാത്രക്കാർ പരിക്കേൽക്കാതെ രക്ഷപ്പെട്ടു. കൊട്ടാരക്കാര-ദിണ്ടിക്കൽ ദേശീയ പാതയിൽ കുമളിക്ക് സമീപം ചെളിമടയിൽ ഇന്ന് രാവിലെ ആറ് മണിയോടെയായിരുന്നു സംഭവം.

കറുകച്ചാലിൽ നിന്ന് ബാഗ്ലൂരിലേക്ക് സഞ്ചരിക്കുകയായിരുന്ന ജോജിയും കുടുംബവും സഞ്ചരിച്ചിരുന്ന കാറിന് മുകളിലേക്കാണ് റോഡിന് സമീപത്തെ കാപ്പിത്തോട്ടത്തിൽ നിന്ന് കാട്ടുപോത്ത് എടുത്തുചാടിയത്. വനത്തോട് ചേർന്നുകിടക്കുന്ന പ്രദേശമാണ് ഇത്. അപകടത്തിൽ കാറിന്റെ മുൻവശത്തെ ചില്ല് തകർന്നു.