ദില്ലി: ജി എസ് ടി കൗണ്സില് ശുപാര്ശകള് നടപ്പിലാക്കേണ്ട ബാധ്യത സംബന്ധിച്ച കേസില് നിര്ണായകവിധിയുമായി സുപ്രിംകോടതി. ജസ്റ്റീസ് ഡി.വൈ.ചന്ദ്രചൂഡ് അദ്ധ്യക്ഷനായ ബഞ്ചാണ് നിര്ണായക വിധി പുറപ്പെടുവിച്ചത് ജി എസ്ടി കൗണ്സിലിന്റെ ശുപാര്ശകള്ക്ക് ഉപദേശസ്വഭാവം മാത്രമാണുളളത്.
ശുപാർശ നടപ്പാക്കാൻ സംസ്ഥാനങ്ങൾക്ക് ബാധ്യതയില്ലെന്ന് സുപ്രീം കോടതി വ്യക്തമാക്കി. കേന്ദ്രത്തിനും ബാധ്യതയില്ല. ശുപാര്ശകള് സംബന്ധിച്ച് നിയമനിര്മ്മാണം നടത്താന് സംസ്ഥാനങ്ങള്ക്കും കേന്ദ്രത്തിനും അധികാരമുണ്ടെന്നും സുപ്രീംകോടതി ഉത്തരവില് പറയുന്നു.