ആലപ്പുഴയിൽ സ്ഫോടകവസ്തുക്കളും മരകായുധങ്ങളും പിടിച്ചെടുത്തു

ആലപ്പുഴ: ആലപ്പുഴയിൽ നിന്ന് മാരകായുധങ്ങളും സ്ഫോടക വസ്തുക്കളും പിടിച്ചെടുത്തു. ഇരവുകാട് ബൈപ്പാസിന് സമീപം ഒരു വീട്ടിൽ ഒളിപ്പിച്ച നിലയിലായിരുന്നു വടിവാളുകളും സ്ഫോടകവസ്തുക്കളും. ഇവിടെ നിന്ന് മയക്കുമരുന്നും കണ്ടെടുത്തിട്ടുണ്ട്.

നാടൻബോംബ്, ബോംബ് നിർമ്മാണസാമഗ്രികൾ, മൂർച്ചയേറിയ ആയുധങ്ങൾ, വടിവാൾ, മഴു, ഇടിക്കട്ട, കൈവിലങ്ങ്, സ്കൂട്ടർ ചെയിൻ, കഞ്ചാവ്, മയക്കുമരുന്നുകൾ തുടങ്ങിയ വലിയ ശേഖരമാണ് പിടിച്ചെടുത്തത്.

സംഭവസ്ഥലത്ത് നിന്നും രണ്ട് പേർ പൊലീസിന്റെ പിടിയിലായി. ജില്ലാ പൊലീസ് മേധാവിയുടെ നേതൃത്വത്തിലായിരുന്നു റെയ്ഡ്. പൊലീസിനെ കണ്ട് ഒരാൾ ഓടി രക്ഷപ്പെട്ടു. രക്ഷപെട്ടയാൾക്കായുള്ള തിരച്ചിൽ ആരംഭിച്ചിട്ടുണ്ട്. എറണാകുളം സ്വദേശികളാണ് പിടിയിലായവർ.