വിവാഹത്തിന് സംഭാവന നൽകിയതിൽ തർക്കം; കൊല്ലത്ത് 55 കാരൻ്റെ ദേഹത്ത് ചായക്കടക്കാരൻ തിളച്ച വെള്ളമൊഴിച്ചു

കൊല്ലം: ചായ കുടിക്കാനെത്തിയ ആളിന്റെ മുതുകിൽ ചായക്കടക്കാരൻ തിളച്ച വെള്ളം ഒഴിച്ചെന്ന് പരാതി. ഓച്ചിറ മഠത്തിൽക്കാരാഴ്മ സ്വദേശി വിശ്വനാഥന്റെ (55) ദേഹത്താണ് തിളച്ച വെള്ളം ഒഴിച്ചത്. ഗുരുതരമായി പൊള്ളലേറ്റ ഇയാളെ കരുനാഗപ്പള്ളി താലൂക്ക് ആശുപത്രിയിൽ പ്രവേശിപ്പിച്ചു. മുതുക് അഴുകിയനിലയിലാണ് ഇയാളെ ആശുപത്രിയിൽ പ്രവേശിപ്പിച്ചത്.

ചായക്കടയിൽ വച്ച് വിവാഹത്തിന് സംഭാവന നൽകിയതുമായി ബന്ധപ്പെട്ട് വിശ്വനാഥനും മറ്റൊരാളുമായി വാക്കുതർക്കമുണ്ടായി. ഇതിൽ പ്രകോപിതനായ കടയുടമ സദാനന്ദനാണ് തിളച്ച വെള്ളം ഒഴിച്ചതെന്നാണ് പരാതിയിൽ പറയുന്നത്. ശനിയാഴ്ച വൈകീട്ടാണ് സംഭവം.