spot_img
- Advertisement -spot_imgspot_img
Monday, April 15, 2024
ADVERT
HomeAUTOMOTIVEഫോര്‍ഡില്‍ നിന്നും സ്വന്തമാക്കിയ പ്ലാന്‍റിലെ ടാറ്റയുടെ പദ്ധതികള്‍ ഇങ്ങനെ

ഫോര്‍ഡില്‍ നിന്നും സ്വന്തമാക്കിയ പ്ലാന്‍റിലെ ടാറ്റയുടെ പദ്ധതികള്‍ ഇങ്ങനെ

- Advertisement -

ഗുജറാത്തിലെ സാനന്ദിലുള്ള ഫോർഡ് ഇന്ത്യയുടെ നിർമ്മാണ പ്ലാന്റ് ഈ മാസം ആദ്യമാണ് ടാറ്റ മോട്ടോഴ്‌സ് ഏറ്റെടുത്തത്. ടാറ്റ മോട്ടോഴ്‌സിന്റെ പൂർണ ഉടമസ്ഥതയിലുള്ള ഉപസ്ഥാപനമായ ടാറ്റ പാസഞ്ചർ ഇലക്‌ട്രിക് മൊബിലിറ്റി ലിമിറ്റഡ് (ടിപിഇഎംഎൽ) വഴി 726 കോടി രൂപ ചെലവിൽ വാങ്ങിയ പ്ലാന്റ് അടുത്ത 12 മുതല്‍ 18 മാസത്തിനുള്ളിൽ ടാറ്റ ഇലക്ട്രിക് കാറുകൾ നിർമ്മിക്കാൻ പ്രവർത്തനക്ഷമമാകുമെന്ന് പ്രതീക്ഷിക്കുന്നതായി  ടാറ്റ മോട്ടോഴ്‍സ് പാസഞ്ചർ വെഹിക്കിൾ ആൻഡ് ഇലക്ട്രിക് വെഹിക്കിൾസ് മാനേജിംഗ് ഡയറക്ടർ ശൈലേഷ് ചന്ദ്ര പറഞ്ഞു.. ഈ പ്ലാന്റിലൂടെ മൊത്തത്തിലുള്ള ഉൽപ്പാദനശേഷി ഗണ്യമായി വർധിപ്പിക്കാനാണ് വാഹന നിർമാതാക്കൾ ലക്ഷ്യമിടുന്നതെന്നും അദ്ദേഹം പറഞ്ഞതായി എച്ച്ടി ഓട്ടോ റിപ്പോര്‍ട്ട് ചെയ്യുന്നു.

- Advertisement -

നിലവിലുള്ള പ്ലാന്റുകളിൽ തങ്ങളുടെ ഉൽപ്പാദന ശേഷി പൂര്‍ണതയിലേക്ക് അടുക്കുകയാണെന്ന് വാഹന നിർമാതാക്കൾ നേരത്തെ പറഞ്ഞിരുന്നു. അതിനാൽ, ഏറ്റെടുക്കൽ സമയോചിതവും എല്ലാ പങ്കാളികൾക്കും വിജയകരമായിരുന്നുവെന്നുമാണ് റിപ്പോര്‍ട്ടുകള്‍. സാനന്ദ് പ്ലാന്റിന് പ്രതിവർഷം മൂന്ന് ലക്ഷം യൂണിറ്റ് ഉൽപ്പാദന ശേഷിയുണ്ട്, ഇത് പ്രതിവർഷം 4.2 ലക്ഷം യൂണിറ്റായി ഉയർത്താനും കമ്പനിക്ക് സാധിക്കും. സാനന്ദ് സൗകര്യത്തിൽ ഈ ശേഷി പ്രയോജനപ്പെടുത്തി ഇലക്ട്രിക് വാഹനങ്ങളുടെ ഉത്പാദനം വർധിപ്പിക്കാനാണ് ടാറ്റ ലക്ഷ്യമിടുന്നത് എന്നാണ് റിപ്പോര്‍ട്ടുകള്‍. ടാറ്റ ഇവികൾക്കായുള്ള കാത്തിരിപ്പ് കാലയളവ് ഗണ്യമായി കുറയ്ക്കാൻ ഇത് ടാറ്റയെ സഹായിക്കും.

- Advertisement -

പൂനെയിലെയും സാനന്ദിലെയും നിലവിലുള്ള രണ്ട് സൗകര്യങ്ങളിൽ ഒഇഎമ്മിന് 10 മുതല്‍ 15 ശതമാനം അധിക ശേഷി കുറയ്ക്കാൻ കഴിയുമെന്നും ശൈലേഷ് ചന്ദ്ര പറഞ്ഞു. കൂടാതെ, പുതിയ സാനന്ദ് പ്ലാന്റ് നിലവിലുള്ളതും ഭാവിയിലെതുമായ വാഹന പ്ലാറ്റ്‌ഫോമുകളുമായി പൊരുത്തപ്പെടുന്നതിന് ആവശ്യമായ നിക്ഷേപങ്ങൾ പുനഃക്രമീകരിക്കും. 12 മുതൽ 18 മാസത്തിനുള്ളിൽ ഫോർഡ് പ്ലാന്റ് പ്രവർത്തനക്ഷമമാക്കാനാണ് തങ്ങൾ ലക്ഷ്യമിടുന്നത് എന്നും വാഹന കമ്പനിയുടെ ഉൽപ്പാദന ശേഷി നിലവിൽ പ്രതിമാസം 50,000 യൂണിറ്റാണെന്നും കമ്പനി ചൂണ്ടിക്കാട്ടുന്നു.

- Advertisement -

കാർ ബ്രാൻഡിന്റെ ലാഭ മാർജിൻ പ്രതീക്ഷകളെ കുറിച്ച് പറയുമ്പോൾ, തങ്ങൾ ഘടനാപരമായ മെറ്റീരിയൽ ചെലവ് കുറയ്ക്കുന്നതിനുള്ള നടപടികൾ സ്വീകരിക്കുകയാണെന്നും മാർജിൻ മെച്ചപ്പെടുത്തലിന്റെ മറ്റ് സാധ്യതകൾ മുന്നോട്ട് കൊണ്ടുപോകുന്നത് തുടരുകയാണെന്നും ടാറ്റ പറയുന്നു.

- Advertisement -
- Advertisement -
- Advertisement -
Follow US On
416,985FansLike
61,453SubscribersSubscribe
Must Read
- Advertisement -
Related News
- Advertisement -