- Advertisement -
കൊച്ചി: കാലടി മാണിക്യമംഗലത്ത് സ്കൂട്ടർ തുറയിലേക്ക് മറിഞ്ഞ് യുവതിക്ക് പരിക്കേറ്റു. തവളപ്പാറ ഇഞ്ചേലിപ്പറമ്പിൽ ജിനിമോൾ (31) ആണ് അപകടത്തിൽപ്പെട്ടത്. ജിനി ഓടിച്ചിരുന്ന സ്കൂട്ടർ നിയന്ത്രണം വിട്ട് തുറയിലേക്ക് മറിയുകയായിരുന്നു.
- Advertisement -
ക്ഷേത്ര ദർശനം കഴിഞ്ഞ് വീട്ടിലേക്ക് മടങ്ങുന്നതിനിടെ രാവിലെ ആറരയോടെ അപകടം. സമീപമുള്ള മരത്തിൽ ഇടിച്ചശേഷം തുറയിലേക്ക് മറിയുകയായിരുന്നു. തുറയിൽ ചൂണ്ടയിട്ടുകൊണ്ടിരുന്ന നാട്ടുകാരാണ് ജിനിയെ രക്ഷപ്പെടുത്തിയത്. സാരമായി പരിക്കേറ്റ ജിനിയെ അങ്കമാലിയിലെ സ്വകാര്യ ആശുപത്രിയിലെത്തിച്ചു. അങ്കമാലിയിൽ നിന്ന് ഫയർഫോഴ്‌സ് സംഘവും സ്ഥലത്തെത്തിയിരുന്നു.
