കൊല്ലത്ത് സ്കൂൾ വാൻ മറിഞ്ഞ് വിദ്യാർത്ഥികൾക്ക് പരിക്ക്

കൊല്ലം : അയിലറ സർക്കാർ യുപി സ്കൂളിലെ വിദ്യാർത്ഥികളുമായി പോയ സ്കൂൾ വാൻ മറിഞ്ഞു. പതിനഞ്ചോളം കുട്ടികളാണ് വാഹനത്തിൽ ഉണ്ടായിരുന്നത്. കയറ്റം കയറുന്നതിനിടയിലാണ് അപകടമുണ്ടായത്.

കയറ്റം കയറുന്നതിനിടെ വാഹനം നിന്നുപോയി. വണ്ടി മുകളിലേക്ക് എടുക്കാൻ ശ്രമിക്കുന്നതിനിടയിൽ നിയന്ത്രണം വിട്ട് പിന്നോട്ടിറങ്ങിയ വാൻ വശത്തേക്ക്  മറിയുകയായിരുന്നു. നാട്ടുകാരെത്തി വാഹനത്തിന്റെ ചില്ലുകൾ തകർത്ത് വിദ്യാർത്ഥികളെ രക്ഷപ്പെടുത്തുകയായിരുന്നു.
ആറുപേർക്ക് ചെറിയ പരിക്കുകളുണ്ട്. ഇവരെ സമീപത്തെ ആശുപത്രിയിൽ പ്രവേശിപ്പിച്ചു.